Dy drone u rrëzuan në Novaya Moskva, një qark administrativ i Moskës, dhe një tjetër në rajonin Kaluga, në jug-perëndim të kryeqytetit rus, thanë shërbimet e urgjencës për TASS.
Nga mediat vendase nuk raportohet për viktima. Sipas medias Baza, në orën 4 të mëngjesit një dron goditi një ndërtesë administrative në bazën ajrore ruse Kubinka.
Uljet dhe ngritjet në aeroportin Vnukovo të Moskës u kufizuan këtë mëngjes “për arsye teknike”, tha agjencia federale e transportit ajror të Rusisë.
Përgjigja e Vladimir Putin ndaj rebelimit nga grupi paraushtarak Wagner ka qenë “i dobët” dhe presidenti rus “po humbet kontrollin mbi popullin e tij”.
Kështu ka thënë presidenti ukrainas Volodymyr Zelensky, në një intervistë dhënë për CNN.
“Ne kemi parë që presidenti rus nuk është në kontroll të plotë.
Fakti që milicia Wagner është zhvendosur thellë në Rusi dhe ka pushtuar disa rajone tregon se sa e lehtë është. E gjithë ajo fuqi vertikale që kishte Putini është duke u shkatërruar”.
Discussion about this post