Droni zbulues i epokës sovjetike Tu-141 “Strizh” fluturoi nga zona e luftës e Ukrainës përmes hapësirës ajrore të tre vendeve anëtare të NATO-s – Rumanisë, Hungarisë dhe Kroacisë – përpara se të rrëzohej në kryeqytetin e Zagrebit, duke dëmtuar rreth 40 makina të parkuara, ndërsa askush nuk u lëndua. Zyrtarët kroatë kritikuan sot NATO-n pasi thonë se pati një reagim të ngadaltë pas rrëzimit të një droni ushtarak që u përplas në një fushë pranë një konvikti studentor në kryeqytetin kroat, raporton Associated Press.
Si Rusia ashtu edhe Ukraina e kanë mohuar lëshimin e dronit, por ekspertët ushtarakë thonë se Ukraina është operatori i vetëm aktual i njohur i Tu-141. NATO, e cila ekziston për të ndihmuar në mbrojtjen e shteteve anëtare nga ngjarje të papritura si kjo, tha se mbrojtja e integruar ajrore dhe raketore e aleancës kishte gjurmuar rrugën e fluturimit të dronit. Por Andrej Plenkoviç, kryeministri kroat, tha se NATO reagoi vetëm pasi u bënë pyetje nga gazetarët.
“Ne nuk mund ta tolerojmë këtë situatë dhe as nuk duhej të ndodhte ndonjëherë. Ky ishte një kërcënim i pastër dhe i qartë dhe NATO dhe BE duhet të kishin reaguar. Ne do të punojmë për të rritur gatishmërinë jo vetëm tonën por edhe të të tjerëve” – tha Plenković teksa vizitoi vendin e rrëzimit.
Discussion about this post