Një video e një fluturakeje pa pilot të prodhuar nga Turqia (UCAV), përkatësisht Bayraktar TB2, duke shkatërruar një armë kundërajrore të prodhimit rus u bë virale në internet.
Ky thuhet të ishte dislokimi i parë i dronit luftarak Bayraktar TB2 nga ushtria ukrainase – e cila ka mjaft prej tyre në inventarin e saj – për të shkatërruar një armë të përdorur nga separatistët pro-rusë në Donbas.
Bayraktar TB2 u përdor për herë të parë për të detyruar separatistët të respektojnë një armëpushim, thanë forcat e armatosura në një deklaratë në Facebook.
Një ushtar ukrainas u vra dhe dy të tjerë u plagosën nga arma kundërajrore, thuhet në deklaratë.
Kremlini tha të mërkurën se frika e tij për vendimin e Turqisë për t’i shitur dronë sulmues Ukrainës po realizohej dhe se dronët turq rrezikonin të destabilizonin situatën në Ukrainën lindore.
Forcat ruse aneksuan Gadishullin e Krimesë nga Ukraina në shkurt të vitit 2014.
Turqia dhe SHBA-ja si dhe Asambleja e Përgjithshme e OKB-së e shohin aneksimin si të paligjshëm.
Luftimet midis forcave qeveritare të Ukrainës dhe separatistëve pro-rusë në Donbass kanë parë më shumë se 13,000 njerëz të vrarë që nga viti 2014, sipas KB.
Rajoni është një nga burimet e shumta të fërkimit midis Rusisë dhe Ukrainës.
Bayraktar TB2 është shitur në vende duke përfshirë Ukrainën, Katarin, Azerbajxhanin dhe Poloninë. Në maj, Polonia u bë shteti i parë anëtar i Bashkimit Evropian dhe NATO-s që bleu drone nga Turqia. / Telegrafi
