Pas protestave dhe peticionit për rikthimin e dënimit me vdekje, familjarët e vogëlushit të ndjerë Mateo Vasiu që u vra barbarisht nga fqinji i tij Klodian Çalamani, po protestojnë para burgut të Vlorës ku po mbahet ky i fundit.
Mësohet se në protestë, përveç familjarëve janë bashkuar dhe disa qytetarë. Mamaja e vogëlushit të ndjerë bën thirrje për drejtësi, ndërsa kërkon të dijë arsyen se përse djali i saj u vra.
“Dua të vërtetën. Dua drejtësi për atë kriminel të mallkuar. I poshtri. Duam të dimë pse e vrau. Duam drejtësi. Duam të dimë të vërtetën se pse e vrau një fëmijë 8-vjeç. Mos na e fshihni kriminelin. Ju mbani një kriminel. Për çfarë e mbani në izolim? Të vijë të flasë këtu me ne”, është shprehur ajo para kamerave.
Krimi horror që tronditi Fierin dhe të gjithë Shqipërinë, ndodhi ditën e martë në fshatin Grecalli të Fierit. Klodian Çalamani, 38-vjeçari kishte rrëmbyer e më pas vrarë e groposur në oborrin e banesës së tij, fqinjin e tij vetëm 8 vjeç, Mateo Vllasiu. Ai u arrestua nga policia, ndërsa aktualisht ndodhet prapa hekurave në burgun e Vlorës.
Discussion about this post