Gjykata e Apelit në Dubai ka rrëzuar këtë të martë kërkesën e Shqipërisë për ekstradimin e një të kërkuari për vrasje të dyfishtë. Gijotina.com mëson se bëhet fjalë për Florenc Çapjan , ndërsa Apeli në Dubai e ka rrëzuar kërkesën për mungesë provash dhe për mungesën e një marrëveshje ekstradimi mes dy vendeve.
Bëhet me dije se autoritetet shqiptare paraqitën një kërkesë në fillim të vitit të kaluar duke kërkuar ekstradimin e tij me akuzën e lehtësimit të vrasjes, mbajtjes së armëve pa leje dhe si pjesëtar i një grupi kriminal të strukturuar. Awatif Mohammed, avokatja e Florenc Çapjas, tha se kërkesa u refuzua sepse Emiratet e Bashkuara Arabe dhe Shqipëria nuk kanë bashkëpunim me njëri-tjetrin për ekstradimin dhe se i akuzuari nuk ishte në Shqipëri kur u krye krimi.
Sipas medias së huaj hetuesit në Shqipëri kanë njoftuar autoritete në Dubait se Çapja, 40 vjeç, punësoi dy vrasës në vitin 2012 dhe u pagoi atyre një shumë prej 50,000 € (56,447 dollarë) për të vrarë dy persona, babë e bir, raporton Gijotina.com. Oficerët në Dubai arrestuan Florenc Çapjan, dhe çështja u ngrit për herë të parë vitin e kaluar. Ai u mbajt në paraburgim kur zbriti në Aeroportin Ndërkombëtar të Dubait më 31 maj 2021, teksa mohoi të gjitha akuzat. Ka qenë gruaja e tij ajo që pagoi 200,000 Dhah ( rreth 55 mijë dollar) në gjykatë dhe ai u lirua me kusht gati dy muaj pas arrestimit të tij, por çështja vazhdoi. Ndërkohë nuk dihet asnjë detaj se si arriti të siguronte bashkëshortja e Florenc Çapjas, 55 mijë dollarë.
“Klienti im u ndalua për gati 60 ditë.Të dhënat vërtetuan se ai ishte në Maqedoni kur krimi u krye në Shqipëri”, tha avokatja. Media e huaj raporton se burri i tha gjykatës se akuzat dhe kërkesa për ekstradim kishin për qëllim dëmtimin e reputacionit të familjes së tij, e cila po garonte aso kohe në zgjedhjet elektorale në Shqipëri.
“Një nga anëtarët e familjes së tij kandidoi për zgjedhjet në Shqipëri dhe klienti im beson se kërkesa për ekstradim me akuzën e vrasjes që nuk e ka kryer në kohën e zgjedhjeve është një përpjekje për të prishur reputacionin e familjes së tij dhe për të ndikuar në opinionin publik-“tha zonja Mohammed. Çapja i tha gjykatës në Dubai se akuzat dhe kërkesa për ekstradim kishin për qëllim dëmtimin e reputacionit të familjes së tij, e cila po garonte në zgjedhjet në Shqipëri.
Discussion about this post