Ditën e sotme do të luhen 2 ndeshje mjaft interesante dhe që janë të vlefshme për javën e 9-të të Superiores. 4 ekipe do të zbresin në fushë dhe mes tyre do të bëjnë llogaritë e fitores.
Gjithçka ditën e sotme do të nisë me përballjen mes Bylis dhe Vorës. Takim ky që do të luhet në “Adush Muça” në orën 14:00. Si ballshiotët ashtu edhe ekipi nga Vora do të synojnë rikthimin te fitorja në kampionat.
Ndërkohë në orën 17:00 e gjithë vëmendja do të jetë në Rrogozhinë. Egnatia do të presë Teutën në “Egnatia Arena”. Do të sfidohen mes tyre për llogaritë e vendit të dytë në tabelën e klasifikimit. Aktualisht vetëm 1 pikë i ndan në klasifikim, me kampionët aktualë që kanë 15 pikë dhe mbajnë vendin e dytë.
Tre ndeshjet e tjera të javës së 9-të janë programuar të mërkurën. Flamurtari – Vllaznia do të luhet në stadiumin e Vlorës, në orën 17:00.
Dy takimet e fundit do të zhvillohen në mbrëmje, në orën 19:30. Në “Elbasan Arena”, Dinamo City do të përballet me Partizanin, ndërsa në “Air Albania” do të luhet dueli Tirana – AF Elbasani.
Discussion about this post