Në orën 21:00 do të luhen sot dy duele të tjera, të vlefshme për kthimin në fazën e 1/8-ave të finaleve të Championsit.
Pas të martës, ku Bayern Munich dhe Paris Saint-Germain siguruan një vend në çerekfinale, sot është radha që dy klube të radhës të kualifikohen më tej.
Në ndeshjen e parë, fituesi në fuqi i Ligës së Kampionëve, Manchester City e pret Copenhagen në Etihad dhe synon të konfirmojë kualifikimin pas fitores 3-1 në ndeshjen e parë.
Më interesant pritet të jetë në ndeshjen tjetër, ku Real Madrid pret RB Leipzig në ‘Santiago Bernabeu’ dhe dëshiron kualifikimin pas fitores 1-0 në ndeshjen e parë në Gjermani.
Discussion about this post