Humbja me Egnatian në janar nisi periudhën e oshilacioneve të Vllaznisë. Përballë rrogozhinasve, që janë shfaqur si skuadra më e mirë, shkodranët kërkojnë hakmarrjen për atë disfatë dhe afrimin me kreun.
Në sfidën brenda sfidës, është edhe lufta për Këpucën e Artë mes Bekim Balajt me14 gola dhe Regi Lushkjas me 12.
“Me Egnatian është një sfidë e madhe, një sfidë e fortë. Ata janë ekipi kampion dhe janë një ndër ekipet më të mira në kampionatin shqiptar. Tetova është një trajner me eksperiencë, që ka bërë mirë. Po e presim me padurim këtë përballje, në mënyrën tonë më të mirë. Është një sfidë tejet e rëndësishme, duhet të jemi 100% të fokusuar. Objektivi ynë është që të marrim tre pikët. Për këtë shkojmë në Rrogozhinë. Na duhet të mendojmë edhe për “Final Four”, por ka ende edhe shumë ndeshje e futbollistët duhet të kapin ritmin e tyre më të mirë në javët e mbetura”, u shpreh Thomas Brdaric, trajneri i Vllaznisë.
Tejet i rëndësishëm edhe derbi Dinamo-Partizani. Blutë kërkojnë të mbrojnë vendin e dytë, e pse jo të barazojnë kryesuesit, teksa Partizani që mbyll Final Four është më i shkëputur.
Java mbyllet edhe nga ndeshja Teuta-Skënderbeu, në finalen direkte të mbijetesës, që do të përcaktojë shumë se cila prej ekipeve mund të qëndrojë në elitë.
Discussion about this post