Juventusi kryesues në Serinë A do të kërkojë të thellojë diferencën me Interin për të vënë nën presion ekipin e Inzagit që do të rikuperojë dy ndeshje.
Për këtë, trajneri Alegri ka bërë gati 11- shen me të cilën do të zbresë në fushë ndaj Empolit të shqiptarëve. Për ndeshjen kundër toskanëve trajneri i bardhezinjve nuk do të ketë të gatshëm dy lojtarë të rëndësishëm, Adrien Rabio në mesfushë dhe Federiko Kieza në sulm.
Këtë e ka konfirmuar dhe vetë trajneri në konferencën për shtyp. Këto mungesa bëjnë që Alegri të konfirmojë Miretin në mesfushë dhe Jilldëzin në sulm përkrah Vlahoviçit. Nga krahu tjetër, nënshkrimi i ri i bardhezinjve, Dialò pritet ta nisë nga stoli. Danilo, Gati dhe Bremer konfirmohen në mbrojtje, me Kostiç që fiton garën me Ueah.
Discussion about this post