Skuadra turke e Beshiktashit ka vazhduar në ditët e fundit përgatitjet për ndeshjen e kthimit të turit të dytë kualifikues të Conference League kundër Tiranës. Ishte një seancë stërvitore taktike, e kryer nën menaxhimin e trajnerit Senol Gunes.
Po kështu me skuadrën është stërvitur Nevzat Demir. Stërvitja filloi me vrapime për ngrohje, vrapime në stacion dhe ushtrime shkrydhjeje. Stërvitja vazhdoi me pasim dhe ushtrime, ndërsa u mbyll me ndeshje të vogla në fushë dhe taktikë në lojë. Bardhezinjtë sot do të vazhdojnë përgatitjet për ndeshjen me Tiranën me një seancë stërvitore me dyer të mbyllura në orën 18:00.
Beshiktashi pritet të mbërrijë në Tiranë nesër paradite dhe do të vendoset në një nga hotelet pranë stadiumit. Stërvitjen e fundit, turqit do ta kryejnë në “Air Albania”. Beshiktashi e ka fituar 3-1 ndeshjen e parë në Stamboll, teksa në Tiranë ju mjafton të menaxhojnë rezultatin.
Discussion about this post