Barcelona dhe Inter do të luajnë supersfidën e kësaj mbrëmje në “Camp Nou”, takim që mund të cilësohet pa frikë si “jetë a vdekje” për të dyja ekipet.
Si zikatrit ashtu edhe katalanasit do të kërkojnë fitoren në këtë përballje, italianët për të qenë të dytët në grup, ndërsa nga ana tjetër spanjollët kërkojnë hakmarrjen për atë humbje një natë më parë, por edhe për të shpresuar te kalimi i grupit.
Ndërsa kemi lënë pas më shumë se gjysmën e kësaj faze grupesh, llogaritë për kualifikimin në fazën e 1/8-ave janë të pashmangshme.
Renditja momentale e grupit C, shikon Bayernin të pozicionuar të parin me 9 pikë të plota falë tri fitoreve, Interin në vendin e dytë me 6 pikë, të ndjekur nga Barcelona me 3 pikë dhe Viktoria Plzeni, që nuk ka arritur të marrë ende asnjë pikë.
Kështu, Bayerni do të kalojë në fazën tjetër nëse ata fitojnë dhe Barcelona jo, ose nëse katalanasit humbasin dhe gjermanët marrin të paktën një pikë. Interi kualifikohet nëse fiton dhe Viktoria Plzeni nuk fiton.
Barcelona nuk do të ketë më shpresa për kualifikimin nëse humbet dhe Bayern Munich merr të paktën një barazim ndaj çekëve, kurse shpresat e Plzenit për fazën tjetër marrin fund nëse ata humbasin dhe Barcelona nuk fiton.
Discussion about this post