Familjaret e të moshuarit Çaush Shehaj, i cili humbi jetën në sallën e reanimacionit si pasojë e plagëve te marra nga dy të rinj që e grabitën, thonë që kjo është një tentative e përsëritur grabitjeje në të njëjtën familje teksa shprehen të indinjuar se herën e parë policia nuk e bëri punën siç duhet.
89-vjeçari jetonte bashkë me gruan e tij të sëmurë nga skleroza ndërsa 4 fëmijët e tyre ishin në emigrim. Të afërmit kërkojnë drejtësi teksa kanë thënë se autorët, tashmë të arrestuar nga policia e kanë masakruar të moshuarin në trup.
Shehaj u dhunua dhe u grabit me armë nga dy të rinj, duke i shkaktuar atij plagë të rëndë që kanë sjelle dhe vdekjen.
“Unë jam djali i motrës, e kam dajo. Është rasti i dytë dhe është i njëjti përson që ka bërë të njëjtën gjë. Ka vajtur një herë polica mori gishtat, nuk u bë gjë herën e parë, i morën çiften dhe i morën jetën e vranë. Me të shoqen jetonte, është i sëmurë. Fëmijët i ka në Greqi, ka dy djem dy vajza. Ne duam drejtësi, shteti të vërë dorën“, tha nipi i të moshuarit.
“Gruan e ka me sklerozë. I kishin vajtur një herë për të vjedhur Kjo është hera e dytë, se policia nuk mori masa dhe nuk bëri punën. Behët llaf për lekë të madh por nuk kishte. Nëse ka shtet, ligje apo Perëndi lart, për mua duhen varur. E kanë bastarduar në 2 të natës”, tha një tjetër familjar.
Discussion about this post