Gjergj Hani kandidon përballë Lulzim Bashës për kreun e PD-së së vulës në një proces që do të mbahet më 29 korrik.
E ndërsa në Elbasan pasditen e së enjtes ishin të pranishëm të dy kandidatët në një takim me demokratë apo mbështetës të tyre, Hani shprehet se nuk kishte një ballafaqim, por një shfaqje.
Për takimin në fjalë nuk pati asnjë njoftim zyrtar nga PD-ja zyrtare, ndërsa Lulzim Basha kishte postuar disa foto ku shfaqej edhe Hani. Ky i fundit ka zbuluar detaje mbi atë se çfarë ndodhi përmes një komenti në rrjet.
“U kërkoj organizatorëve dhe i bëj thirrje kandidatit rival të ecim në ballfaqimet e tjera me formatin klasik. Minutazh për prezantimin. Moderator i paanshëm, kohë e caktuar për pyetje nga salla dhe për pyetje ndaj njëri tjetrit. Çdo shpikje që e pengon ballafaqimin pengon garën.
Dje në Elbasan u përdor një format që e kthen ballafaqimin në shfaqe. Ne kemi nevojë për ballafaqim, jo për shfaqe teatri”, shprehet Hani.
Takimi i rradhës së dy kandidatëve Hani e Basha do të jetë në Fier dhe me shumë gjasë do të përsëritet e njëjta skemë si në Elbasan.
Discussion about this post