Me deklarata të forta e ka nisur Sali Berisha sot fjalën e tij në Kuvend. Ai ka hedhur një sërë akuzash ndaj kryeministrit Edi Rama, ndërsa ka kërkuar që të ngrihet një Komision Hetimor ndaj tij. Sipas Berishës, Rama ka lidhje të forta me bandat kriminale dhe iu jep atyre porosi nga telefonat “BQ”. Ai tha se drejtësia duhet të marrë parasysh e Arjan Ndojës.
“Kërkoj Komision Hetimor për dëshminë publike të Arjan Ndojës. Thotë që kam regjistruar kryeministrin duke folur me banda dhe banditë. Unë e kam sulmuar atë, dihet botërisht. Ndaj tij u shkrehën kallashnikovë, edhe Edi Rama lëshonte breshëri kundër tij. Vetëm se nuk thoshte medet që shpëtove. Kishte gisht Rama në atë atentat? Duhet hetim. Nuk janë vetëm këto tabulate që kompromentrojnë Ramën. Telefoni BQ të analizohet se kujt i përkasin zërat. Të zbardhen mesazhet”, tha Berisha. Ndërsa u shpreh se po të zbardhen këto mesazhe do të vërtetohet që në drejtohemi nga një narkoqeveri.
Discussion about this post