Ish-presidenti Ilir Meta ka marrë fjalën e tij në Konventën Kombëtare të LSI-së menjëherë pasi u miratua ndryshimi i emrit të kësaj partie. Ai u shpreh se i pret një vjeshtë llogaridhënëse për demokracinë dhe se do rikthehet i fortë së bashku me partinë opozitare, emri i së cilës pritet të zbulohet sot.
“Mos harxhoni energjinë e panevojshme, na duhet shumë punë duke nisur nga sot, duke vazhduar deri në gusht të kemi një vjeshtë llogaridhënëse për demokracinë. Siç e kisha premtuar, dje përfundova mandatin e presidentit. Mezi pres të rikthehem, i fortë. Do të na duhet shumë punë që Shqipëria të jetë një vend normal. Nga zërat e gëzuar të fëmijëve, sepse situata është jashtëzakonisht kritike. Situata kërkon ndërhyrje urgjente të të gjithë qytetarëve. Sepse nuk mund t’ia delegojë më kësaj klase politike.”-tha Meta.
Discussion about this post