Sekretari organizativ në Partinë e Lirisë, Endrit Braimllari, ka komentuar sot gjatë një interviste televizive akuzat që Ilir Meta ka hedhur ndaj Autoritetit të Dosjeve. Braimllari tha se, ky sistem me në krye Ramën po përdor çdo mjet për të dëmtuar imazhin dhe funksionin e opozitës. Ai tha ndër të tjera se reagimi duhet të jetë i jashtëzakonshëm duke marrë parasysh krizat e thella që kanë përfshirë jetën e shqiptarëve.
“Nuk është vonesë por një qartësi e thellë për këtë proces që kemi të bëjmë me manipulim të historisë nga Edi Rama dhe kryebashkiaku i Tiranës. Akuzat ndaj Autoritetit të dosjeve, ka një përpjekje për të manipuluar të vërtetën për arsyet e tyre politike dhe ky sistem kërkon të përdorë çdo mjet për të dëmtuar imazhin dhe funksionin e opozitës. Deklarata e Metës ka qenë shteruese me fakte konkrete. Ne shpresojmë që SPAK të lëvizë, po vepron shumë ngadalë! Aty ku nuk funksionon shteti i së drejtës, qytetarët duhet të marrin kontrollin në duart e tyre.
SPAK nuk mund ta trajtojë këtë çështje me dirixhim të Rilindjes, qytetarët duhet të shohin të zbardhur të vërtetën. Këtu po zbatohen vetëm parime personale kundër ligjit. Vazhdon programin e trathtisë kombëtare, shpenzon 4 milionë euro për vepra në kryeministri të marra nga buxheti shtetit dhe nuk ka ende një paketë për të nxjerrë qytetarët nga kriza. Kemi paga në nivel shumë të ulët dhe qytetarët mezi po mbyllin muajin, një çmenduri me çmimet e karburanteve. Ky personazh ka shkelur thellë interesat kombëtare ndaj reagimi duhet të jetë i jashtzakonshëm”, tha Braimllari.
Discussion about this post