Kjo është një javë vendimtare për Juventusin pasi ‘Bardhezinjtë’ janë në bisedime me Sassuolo për Manuel Locatelli dhe do të takojnë po ashtu edhe agjentin e Paulo Dybala.
Locatelli mbetet përparësia e ‘Zonjës së Vjetër’ këtë verë, por tani po i mbaron koha. Drejtori i klubit Federico Cherubini tashmë është takuar me përfaqësues të Sassuolos tri herë këtë verë dhe një mbledhje e re pritet të mbahet këtë javë raporton ‘La Gazzetta dello Sport’.
Juventus ka ofruar 5 milionë euro për huazimin dyvjeçar të lojtarit, me të drejtë për ta blerë për 20 milionë euro dhe shpërblime deri në 7 milionë euro plus, por Sassuolo kërkon 35-40 milionë euro.
Drejtori ekzekutiv të këtyre të fundit, Giovanni Carnevali gjithashtu ka caktuar 8 gushtin si afatin e fundit për transferimin, kështu që, në letër, ‘Zigjelbërit’ nuk do të dëgjojë më ofertat pas fundjavës.
Locatelli tashmë ka anuluar një lëvizje te Arsenali, pasi dëshiron vetëm t’i bashkohet Juventusit.
‘Bardhezinjtë’ gjithashtu do të takohen me agjentin e Paulo Dybala, Jorge Antun në Torino. Periudha e tij e karantinës ka mbaruar, kështu që Antun më në fund mund të takohet me Juventinët për të diskutuar një zgjatje të kontratës për sulmuesin argjentinas, duke qenë se marrëveshja e tij aktuale skadon në qershor 2022.
Juventusi shpreson se Dybala mund të nënshkruajë një kontratë të re prej 10 milionë eurosh në vit, përfshirë shpërblimet edhe pse lojtari kishte refuzuar një propozim të ngjashëm një vit më parë.
Juventus dhe Antun mund të takohen gjatë fundjavës edhe nëse Dybala ka të ngjarë të humbasë udhëtimin e ‘Bardhezinjëve’ në Barcelonë për Trofeun Gamper për shkak të një dëmtimi./Gijotina.com
