Disa qytetarë kanë tentuar të bllokojnë pikën kufitare të Morinës në shenjë proteste për mos lejimin e shqiptarëve të kalojnë në Kosovë.
Kjo si pasojë e masave të reja anti-Covid që u futën në fuqi dhe do të zbatohen deri me datë 13 shtator. Të gjithë personat që do të futen në Kosovë, pavarësisht shtetësisë, do duhet të tregojnë dëshminë e vaksinimit apo teste PCR/antigen, ose në të kundërtën duhet të izolohen për shtatë ditë.
Nga kjo masë u prekën edhe shtetasit shqiptarë, të cilët paraditen e sotme u kthyen pas në pikën e kalimit kufitar Morinë. Në shenjë revolte nga masat e ndërmarra, qytetarët kanë protestuar për disa minuta duke bllokuar kalimin e automjeteve drejt Shqipërisë.
Ndryshe nga Kosova, qytetarët që duan të udhëtojnë drejt Shqipërisë mund të futen lirisht pasi vendi ynë nuk ka asnjë masë kufizuese.
