Administrata do të jetë pushim nga e diela deri të mërkurën, kështu thotë vendimi më i fundit i qeverisë. Lajmin e ka bërë të ditur kryeministri Edi Rama, i cili ka thënë se e marta është festë, ndërsa qeveria po diskuton të vendos edhe të hënën pushim. Por, jo vetëm kaq, Rama theksoi se kjo po bëhet që të dielë, të hënën dhe të martën të mos lëvizet me makina.
Gjatë fjalës së tij ai tha se kjo nuk po bëhet vetëm për çështje ekologjike, por edhe për të kursyer. “Do bëjmë përsëri një mbledhje, sot që të bëjmë ditën e hënë pushim duke pasur parasysh ato që janë shpjeguar pas mbledhjes, do bëjmë tjetër që ta bëjmë ditën e hënë pa makina nëse do vendosim kështu por do vijë gradualisht ajo që agjencia thotë, e diela pa makina thonë ata, për të kursyer jo për ekologji. Ose tre ditë mos vajtje në punë njësoj si me Covid jo më për shkak infeksionesh por për shkak të kursimit. Këto dhe disa pika të tjera ka plani”, tha Rama.
Deklarata e kryeministrit u kthye në vendim qeverie pas 30 minutash. Vendim që shpalli ditë pushimi për administratën shtetërore të hënën e 21 marsit. Por më shume se protesta apo ekologjia, kryeministri thotë se vendimi ka lidhje me kursimin e energjisë dhe te karburantit. “Problemi në këtë situatë nuk është kaq sa shohim ne, sepse ndërkohë që ne diskutojmë çmimet, rreziku me naftën dhe energjinë është mungesa në treg. Agjencia Ndërkombëtare e Energjisë zyrtarisht sot ka paralajmëruar mundësinë e shoku më të madh të furnizimit me naftë në dekada”, u shpreh kryeministri, ndërsa nuk nguroi të ironizonte dhe protestuesit, duke thënë që ta bëjnë dhe ata pushim të shtunën.
Discussion about this post