Ngjarja e rëndë që ndodhi në Itali, ku një shqiptar vrau me thikë vajzën e mitur dhe plagosi rëndë gruan vijon të jetë kryefjala e mediave të huaja.
Ditën e sotme detaje të reja kanë dalë në dritë lidhur me rastin, teksa është zbardhur dhe dëshmia e 45-vjeçarit Taulant Malaj.
“Nuk po të vras sepse duhet të mbijetosh dhe të përjetosh gjithë dhimbjen që më ke shkaktuar”,- kanë qënë fjalët e Malajt pasi ka goditur disa herë me thikë gruan me të cilën ishte në proces divorci pasi dyshonte se e tradhëtonte.
Para se të godiste disa herë me thikë vajzën dhe gruan në banesën e tyre në Torremaggiore, Foggia, ai kishte vrarë 51-vjeçarin italian Massimo De Santis në shkallët e pallatit.
Pas krimit 45-vjeçari nga Selenica kishte filmuar dhe një video me trupat e shtrirë dhe gruan e tij të larë në gjak që e pyeste se çfarë po bën. Pikërisht nga videoja e tij ka dalë dhe një version i ri i fakteve, ku vetë Taulanti i kishte thënë gruas se po e linte gjallë që ajo të vuante për humbjen e fëmijëve.
Fillimisht u mendua se 16-vjeçarja kishte mbrojtur nënën me trupin e saj dhe ndaj ishte goditur nga i ati me thikë duke ndërruar jetë. Por në video Taulanti kishte shtuar: “Do të të vras edhe djalin”, duke treguar qëllimet e tij. Burri ishte ndaluar pikërisht teksa po endej në kërkim të djalit tjetër 5-vjeçar.
Discussion about this post