Partitë aleate të PD-së, kanë dalë sot në një konferencë për mediat, ku kanë propozuar një strategji të re për koalicionin opozitar, atë të krijimit të një federate.
Pyetjes nëse këto propozime i kanë konsultuar edhe me kreun e PD, Lulzim Basha, Agron Duka, kryetari i Partisë Agrare Ambientaliste u shpreh se Basha ashtu edhe Berisha i kanë dëgjuar propozimet e tyre, pasi ai vetë ka dalë dhe ka folur në disa media në lidhje me këtë çështje.
“Iniciativë është e jona. Dhe Basha dhe Berisha i kanë dëgjuar propozimet tona. Kemi shpresë, se do i thërrasin arsyes dhe të lënë menjanë hallet individuale dhe të bashkohen për një qëllim të përgjithshëm” tha ndër të tjera Duka.
Sa i përket se pyetjes së kë njohin këta parti, si kryetar të Partisë Demokratike, Fatmir Mediu tha se PD është e vlefshme mbi çdo emër dhe se ata kanë zhvilluar takime me deputetë të të gjitha krahëve.
Discussion about this post