Armand Duka, presidenti i FSHF-së, ka njoftuar pak minuta më parë se ka mbajtur një takim me Ambasadorin e Republikës Çeke në Shqipëri, Karel Urban.
Duka është shprehur se në takim janë diskutuar disa çështje, ku ka qenë edhe zhvillimi i futbollit në Shqipëri, si dhe dy ndeshjet e ardhshme mes Shqipërisë e Çekisë për Euro 2024.
“Sot pata një takim miqësor me Ambasadorin e Republikës Çeke në Shqipëri, z. Karel Urban. Diskutuam së bashku për zhvillimin e futbollit në vendin tonë dhe për dy ndeshjet e ardhshme mes Shqipërisë dhe Çekisë në kualifikueset e Euro “Gjermani 2024”.
Ambasadori Urban vlerësoi rezultatet e kombëtares shqiptare dhe rritjen e futbollit shqiptar, ndërsa unë nga ana ime e sigurova se skuadra dhe tifozët çekë do të gjejnë një atmosferë të shkëlqyer dhe do ta kalojnë orë të bukura në Shqipëri me rastin e ndeshjes mes dy kombëtareve.
Gjithashtu, folëm edhe për intensifikimin e marrëdhënieve mes dy vendeve në të ardhmen veçanërisht në fushën e futbollit”, është shprehur Armand Duka me anë të një postimi në Facebook.
Discussion about this post