Prej 3 muajsh në qeli, shfaqet për herë të parë një pamje e kreut të Partisë së Lirisë, Ilir Meta. I veshur me një xhup të zi e tuta të kuqe, në këtë video që ka siguruar Report Tv, Meta dallohet teksa bën ecje dhe pi një cigare gjatë ajrimit në burgun 313 në Tiranë.
Vetëm 3 ditë më parë, 17 janar, kreu i Partisë së Lirisë ka bërë rekurs në Gjykatën e Lartë ku kërkon lirinë nga qelia, me argumentin se s’ka asnjë provë për arrestimin e tij, por edhe se jemi në prag të fushatës elektorale.
Meta u arrestua më 21 tetor 2024 dhe bashkë me Monika Kryemadhi po hetohen nga SPAK për tre akuza pastrim parash, korrupsion dhe mosdeklarim pasurish në lidhje me dosjen CEZ DIA dhe lobimin e LSI-së në SHBA. Po ashtu, ndaj familjes së tyre SPAK ka nisur edhe hetim pasuror.
Meta ka mohuar akuzat ndaj tij dhe e ka quajtur çështjen politike.
Discussion about this post