Trajneri kampion i Europës Roberto Mancini ka tërhequr vëmendjen e të gjithë italianëve, por jo vetëm me vizitën e fundit në Jesi, fshat në provincë të Anconës, ku jetojnë prindërit e tij.
I veshur me një këmishë blu dhe pantallona të shkurtra, Mancini është fotografuar duke mbajtur radhë te dyqani i mishit. Kjo vizitë e tij në fshatin e prindërve si të ishte një person ‘normal’ vetëm pak ditë pas fitores së Europianit nuk kishte sesi të mos binte në sy.
Ndërkohë babai i tij është shprehur për të përditshmen ‘Dipiu’ se djali tij ka qenë më i miri si lojtar, por po sipas tij si trajner është diçka tjetër: “Roberto si lojtar ishte i mirë, por ta shikosh atë në stolin e ekipit Kombëtar është diçka krejt tjetër”.
Në muret e Jesi-t qëndrojnë posterët e kërkuar nga Bashkia pas fitores së Italisë kundër Spanjës në gjysmëfinale: “Faleminderit Roberto, krenaria e Jesit”. Falenderim dedikuar trajnerit të Azzurëve pa marrë parasysh rezultatin e finales./Gijotina.com
