Dule denoncon nga Himara: Të ‘fortët’ u bëjnë presion votuesve

Kryetari i PBDNJ-së, Vangjel Dule ka denoncuar nga Himara se ndaj votuesve po behet presion.

“Janë aktivizuar grupe të fortësh me makina luksoze duke u folur qytetarëve se po fotografohen dhe se do përdoren të nesërmen e zgjedhjeve.”, tha ai.

Po ashtu, punonjës së administratës, bashkisë Himarë, por edhe vete bashkëshortja e Jorgo Goro, prej fillimit të votimit po qëndrojne duke vëzhguar procesin, folur me votuesit, në një lokal, në distancë minimale 50 metra, larg qendrës së votimit.

Në vendimin e KQZ-së nuk lejohet që kjo gjë të ndodh teksa punonjësit e administratës, familjarët e kandidatëve duhet të qëndrojnë minimumi 150 metra larg qendrave të votimit.

Shtabi i Belerit ka denoncuar edhe një rast të një punonjësi të bashkisë i cili është kapur duke mbledhur karta ID.