Opozita dhe maxhoranca janë ulur sot për të biseduar për presidentin e ri. Bisedimet kanë nisur në Kryesinë e Kuvendit në prani të kamerave, ashtu sikurse kërkoi Enkelejd Alibeaj një ditë më parë.
Ndërkohë, që raundi i parë dështoi pa asnjë emër të propozuar, pritet që sot në tryezë të hidhen kandidatët e mundshëm për postin e kryetarit të shtetit. Enkelejd Alibeaj ka marrë me vete në takim deputetët Orjola Pampuri dhe Arbër Agalliu, ndërkohë që të pranishëm janë edhe përfaqësues të tjerë nga opozita, Fatmir Mediu, Agron Duka, Mesila Doda.
Në takimet e mëparshme, në kuadër të konferencës së kryetarëve, të pranishëm në mbledhje kanë qenë deputetet Grida Duma dhe Jorida Tabaku, të cilat duket se nuk kanë qenë në një linjë me Alibeajn për takimin e sotëm.
Që në nisje të takimit, Alibeaj foli për dokumentin me kriteret që sipas tij, në emër të grupit parlamentar, do të duhet të kenë kandidatët për president. Por edhe pse kanë kaluar minuta të tëra, nga marrja e fjalës prej tij, Alibeaj ende nuk ka konkluduar në propozime konkrete.
Discussion about this post