Pasi dha dorëheqjen nga posti i nënkryetares së PD, deputetja Grida Duma i ka qëndruar fjalës së saj për dorëheqjen e kreut të PD, Lulzim Basha nga posti që ka.
Para Kuvendit, Duma u shpreh e prerë se Basha duhet të dorëhiqet për t’i dhënë mundësi demokratëve të ringrihen, ndërsa komentoi dhe njëherë deklaratën për përfshirjen e Bashës në portin e Durrësit, kur tha se opozita duhet të bënte transparencë.
“Duhet të dorëhiqet, do të bënte një akt fisnik madje. I janë dhënë të gjitha mundësitë, që me betejën dhe mbështetjen e të gjithëve ne, do t’i bënte demokratët që të ringriheshin. 6 marsi nuk e tregoi këtë, sa kohë që jemi në politikë, duke nisur nga secili nga ne, nëse unë thuajse nuk kam asnjë përgjegjësi dhe jap dorëheqjen, kur shumica të ka kërkuar largimin, dhe ti vazhdon e mban kreun e partisë, do të thotë që kjo është përfitimi i vetëm i tij. Kjo është një gjë që nuk më shkon në mendje tani, unë dua që politika të rikthehet, që njerëzit të kenë besim. Si çdo gjë në jetë ka etapa, është ekstremi që kemi arritur. Është ashtu siç është, ne kemi menduar që është jetike për qytetarët e Durrësit, që të saktësojmë qëndrimin e PD për portin e Durrësit. Opozita duhet të bënte transparencë, 81 hektarët duhet t’i ktheheshin qytetarëve të Durrësit, PD do të ecë përpara”, tha Duma.
E pyetur nëse do t’i bashkohej grupit të ish-kryeministrit Sali Berisha nëse ai do e ftonte, Duma u tregua e qartë duke thënë se nuk ka për të pasur kthim prapa duke hedhur poshtë bashkëpunimin me Berishën.
Discussion about this post