Kanë kaluar dy vite nga tërmeti i 26 nëntorit 2019 dhe banorët e prekur nga ajo fatkeqësi natyrore vijojnë të shprehin pakënaqësi për procesin e rindërtimit, por dhe menaxhimin e fondeve për tërmetin.
Nënkryetarja e Partisë Demokratike, Grida Duma ishte në lagjen Nr.1 në Rrogozhinë në një familje të dëmtuar nga tërmeti i 26 nëntorit, e cila flet për shpërblime qesharake.
“800 mijë na dhanë, morëm blemë ca bojë ca gjëra kështu se kjo na rrjedh e gjitha, janë dollapët aty.”
Qytetarët flasin për abuzime me fondet e tërmetit pas zgjedhjeve parlamentare të 25 prillit. Sipas nënkryetares së PD, skema e abuzimit me fondet u paralajmërua dhe vijon të denoncohet nga selia blu.
“E kemi thënë që ata po gënjehen me shifra të mëdha, e pastaj s’do të japin asgjë.”
Teksa qeveria bëhet gati të shpërndajë apartamente dhe banesa për qytetarët që humbën banesat e tyre, demokratët vijojnë ta cilësojnë dështim menaxhimin e asaj fatkeqësie natyrore përmes dëshmive qytetare.
