Pas Lulzim Bashës, edhe nënkryetarja e Partisë Demokratike, Grida Duma ka kritikuar qeverinë për mënyrën e menaxhimit të pandemisë së Covid-19.
Nga foltorja e Kuvendit të Shqipërisë, Duma tha se shqiptarët që marrin vetëm 240 euro pagë minimale, por paguajnë 72 mln euro për atë që PS e quan shëndetësi falas. Duma duke e ironizuar zgjodhi disa vargje të shkrimtarit Dritëro Agolli, për t’ju drejtuar kryeministrit Edi Rama.
“Në këtë vend ku shqiptari merr 240 euro pagë minimale, paguan 72 mln euro nga xhepi për shëndetësinë falas. Në këtë vend shumica bën lojën humbje-humbje dhe pakica bën lojën fitore fitore. Në vendin tim, në vendin tënd, një i çmendur një vend e çmend. Kur nisi pandemia, shqiptarët u mbyllën, të gjithë e ndiqnim situatën, diku dëgjova një mjek në Britani, se udhëheqësja në botë duhet t’i thotë popullit që pandemia do jetë një memorie e shkurtër se normaliteti do kthehet shpejt. Mendova a mund t’i drejtohemi shqiptarët duke i thënë se normaliteti do kthehet shpejt? Në fakt në atë moment ironia është memoria e shkurtër për shqiptarët është normaliteti. Ku është normaliteti, shqiptarët nuk e mbajnë mend”, tha Duma.
Deputetja demokrate u shpreh se qeveria flet për arritje, por nuk përmend problematikat.
Këtu ka vetëm delire, deluzione vetëm normalitet nuk ka. Vini këtu dhe flisni për arritje. Ju ngjani si edicioni i lajmeve në orën 8 në kohën e partisë së punës, ku deklarohej 181% arritje rezultati dhe kooperativa në Bubq. Si nuk ndodhi në normalitetin e mendjes njerëzore, që ju që qeverisni në kaq vite dhe thoni kemi këto probleme, shqetësime, kemi nisur vaksinimin dhe popullata nuk e beson, sa për të larë gojën. Çfarë duhet të thoni ju. Arsyeja pse është çështje politike, është se ju na thoni se ne përdorim vdekjet. Ju për çështje alla Nusret shkuat në Rinas me valixhe dore dhe shkoi kryeministri i vendit për të marrë 100 a 200 vaksina. Vendi anonim që na i ka dhënë. Anonim se çfarë vaksine ishte”, u shpreh deputetja.
Në seancën e sotme, pritet të miratohen ndryshimet në marrëveshjen për prodhimin dhe furnizimin me vaksina nga kompania PFIZER dhe ministrisë së Shëndetësisë dhe Mbrojtjes Sociale.
