Deputetja e Partisë Demokratike Grida Duma ka qenë e ftuar ditën e sotme në emisionin “Kjo Javë” ku ka dhënë një intervistë dhe u ka drejtuar një thirrje të gjithë demokratëve.
Ajo është shprehur se asnjë demokrat nuk duhet të dëgjojë se çfarë thotë mazhoranca për ta, ndërsa nga ana tjetër shprehet se sa herë që shikon që kolegët e saj të djathtë sulmohen përmes një loje të pistë, ndërhynë për të “goditur” kundërshtarin pavarësisht mendimeve ndryshe që mund të kenë brenda partisë.
“Thirrja që kam për demokratët është të mbyllin veshët ndaj thirrjeve që mazhoranca bën për ta, duke përfituar si shushunjat në një situatë jo të mirë për PD, nuk them që të kenë mëshirë për ne, por të pranojë që ë luajnë me kolegë të mi, çfarëdo mendim kanë ata, nuk e pranoj dhe nuk më interesojnë pastaj ndasitë tona, dhe dua të godas kundërshtarin tonë për këtë lojë të pistë”.
Nga ana tjetër, Duma më tej ka vazhduar fjalën e saj duke thënë se janë të nevojshme protestat, por shoqëria shqiptare ka nevojë për guidë.
“Jam për protesta në çdo moment kjo është shoqërua shqiptare, kërkon guidë, nuk mundet një njeri që mezi përballoj hallet e vete të shkojë të drejtojë një protestë, duhet guidë, ndaj i them rinisë që futuni në politikë sepse ka iku ashensori social, shtresa e mesme. Varfëria është dhuna më e madhe dhe më diktatoriale”.
Discussion about this post