Prej më shumë se 3 orësh vijon mbledhja e Këshillit të Mandateve ku po diskutohet kërkesa e SPAK për arrestimin e deputetit Arben Ahmetaj, ish-zv.Kryeministër.
Pasi ka paraqitur kërkesën të përmbledhur në 12 faqe, prokurorët e SPAK Altin Dumani dhe Enkelejda Millonai janë përballur me pyetjet e deputetëve.
Një nga pyetjet që i është drejtuar Dumanit dhe ai ka dhënë përgjigje ishte ajo e deputetes Ermonela Felaj. Kjo e fundit e ka pyetur drejtuesin e SPAK nëse janë plotësuar kriteret për arrestimin e deputetit.
“Janë plotësuar kriteret për arrestimin”, ishte përgjigjja e kreut të SPAK.
Më herët, kreu i grupit parlamentar të PD, Gazment Bardhi e pyeti kreun e SPAK, nëse kishte dijeni se ku ndodhet Ahmetaj.
“A keni informacion ku ndodhet Ahmetaj në këtë moment, është në Shqipëri? Mos ka ikur në Kanada? Keni informacion për këtë?” mësohet të jetë shprehur Bardhi.
Prokurorët e SPAk kanë deklaruar se nuk kanë informacione mbi vendndodhjen e Ahmetajt, ndërsa pyetjeve lidhur me hetimet që po zhvillojnë nuk i janë përgjigjur me pretekstin e ruajtjes së sekretit.
Bardhi e ka pyetur Dumanin nëse po hetohet ose jo Kryeministri Edi Rama dhe kryebashkiaku Erion Veliaj, por përgjigjia ishte: “janë sekrete të hetimit”.
Discussion about this post