Policia ka shkuar në spitalin e “Traumës” për të marrë në pyetje Nuredin Dumanin, i cili ndodhet aty që prej ditës së djeshme, pasi u plagos në një shkëmbim zjarri në Papër të Elbasanit.
Burime për gijotina.com bëjnë me dije se Dumani ka refuzuar t’i përgjigjet policisë.
Ndërkohë mbrëmjen e së mërkurës janë shoqëruar në polici dy mjekë dhe një infermier të cilët ndihmuan Dumanin e plagosur. Para policisë mjekët dhe infermierët kanë deklaruar se e kanë ndihmuar të plagosurin por nuk e dinin se për kë bëhej fjalë.
Kujtojmë që Policia e Shtetit ka shoqëruar ditën e sotme në komisariat 3 persona të tjerë të cilët dyshohet se kanë pasur njohur për veprimtarinë e Nuredin Dumanit. Dumani u arrestua mbrëmjen e së martës në një apartament në Fier ku u gjend i plagosur pas përplasjes me armë në Papër të Elbasanit.
Gjithashtu bashkë me Dumanin u arrestua dhe Hekuran Hoxha, i cili u gjet i armatosur si dhe dyshohet se ishte ai personi që ndihmoi Dumanin të largohej nga vendngjarja.
Discussion about this post