Dumani: Nuk futem në politikë/ Kreu i SPAK: Ja kush po i kërcënon prokurorët

Kreu i SPAK, Altin Dumani, deklaroi se nuk ka ndërmend të hyjë kurrë në politikë dhe se do të mbetet gjithmonë në Prokurori, pavarësisht përfundimit të mandatit.

Ai foli edhe për sfidat, presionet dhe raportin me median, duke theksuar se balanca mes transparencës dhe sekretit hetimor mbetet një provë e përditshme për institucionin.

Kryeprokurori i Posacëm, Altin Dumani tregoi sfidat, presionet dhe raportin e SPAK me median në një bashkëbisedim me gazetarët të organizuar nga Asociacioni i Gazetarëve të Shqipërisë.

Nënvizoi kufirin delikat mes transparencës dhe ruajtjes së sekretit hetimor, duke e cilësuar këtë balancë një sfidë të përditshme për institucionin.

Dumani: E ndan një vijë shumë e hollë transparencën me ruajtjen e sekretit hetimor.

Natyra e hetimeve që ne kryejmë, nevoja e publikut për tu informuar është shumë e madhe, sekreti i hetimit dhe të drejtat e palëve në proces duhen ruajtur. Ne jemi përpjekur që ta gjejmë këtë ekuilibër.

Kreu i SPAK pranoi edhe presionet, kërcënimet dhe sulmet nga një pjesë e medias, duke thënë se disa gazetarë apo analistë kanë tentuar të intimidonin prokurorët e posaçëm.

Dumani: Ka gazetarë të papërgjegjshëm që për disa klikime më shumë publikojne lajme të rreme ose një pjesë të të vërtetës. Dëmtojnë reputacionin e SPAK.

Kanë ardhur kërcënime në drejtim të prokurorëve dhe institucionit. Është dhe dëmtimi që i bëhet nga media e papërgjegjshme.

Stafi im ka evidentuar që gazetar të caktuar bullizojnë apo kërcënojnë prokurorë të prokurorisë së posaçm.

Për herë të parë, Kreu i Prokurorisë së Posacme zbuloi pse në një aktivitet ndërkombëtar pranoi të prezantohet vetem me emër, dhe pa simbolin e Shqipërisë, detaj që ka shkaktuar komente publike Theksoi se pranoi vetem që emri i Kosovës të mos shkruhej me shënime.

I pyetur nëse pas mbarimit të mandatit e sheh veten në politikë, Dumani dha një përgjigje të prerë.

“Nuk kam pasur dhe nuk kam ndërmend që ndonjëherë t’i futem politikës. Prokuroria do vijojë të më ketë në gjirin e saj. Nuk do më shihni në politikë.”

gijotina.com/