Kreu i SPAK, Altin Dumani paralajmëroi këtë të enjte se prokurorë të strukturës hetimore të posaçme mund të shkarkohen nga detyra në kuadër të procesit të rivlerësimit.
Gjatë një raportimi në Këshillin e Lartë të Prokurorisë për ecurinë vjetore të strukturës që drejton, Dumani tha se është drejt fundit procesi i rivlerësimit për prokurorët e parë të emëruar në SPAK kur u çel struktura e re hetimore.
“Edhe ne s’jemi të gjithë njësoj, mund të ketë hetues që lënë për të dëshiruar në punën e tyre, janë në proces rivlerësimi, flas për 28 të parët që janë emëruar fillimisht. Të shohim rezultatet, metodika e rivlerësimit mua më pëlqen. Ndoshta ndonjë prej tyre do e kalojnë testin e vlerësimit, vendimin e merr një komision i posaçëm”, tha Dumani.
Discussion about this post