Struga Trim & Lum ka thyer etapat dhe është tashmë në kërkim të mrekullisë Europiane. Skuadra kampione e RMV-së që drejtohet nga trajneri shqiptar Shpëtim Duro, do të tentojë kualifikimin në përballjen e dyfishtë ndaj Sëift Hesperange të Luksemburgut, në turin e tretë të Conference League.
Në konferencën për shtyp, trajneri, theksoi se është një moment historik për klubin e shqiptarëve të Maqedonisë së Veriut ne pjesëmarrjen e parë europiane.
“Vazhdojmë ndeshjet e Europës, është e 5-të që do ta zhvillojmë, pas sfidave me Zhalgirisin dhe Buduçnostin.
Patjetër që këtë takim skuadra jonë e pret me mjaft interes, sepse është moment historik dhe do të tentojmë për të kaluar në play off, deklaroi fillimisht Duro.
Trajner kryeqytetas as që e vë në diskutim dëshirë ne futbollistëve të tij për të dhënë maksimumin përballë kundërshtarit nga Luksemburgu.
“Përgjigjia është shumë e thjeshtë: motivimi nuk diskutohet, për një skuadër të re si jona. E presim me motivim të madh këtë takim, sepse pretendojmë, siç e thashë, dhe jemi pranë play-off-it.
Frika më e madhe e motivimit për mua ishte ndeshja e kampionatit e ditës së diel, duke pasur parasysh se kishim harruar për një çast kampionatin, duke u futur tek ajo atmosfera e Kupave të Europës, por unë falënderoj skuadrën, që u përqendrua dhe e zgjodhi me jashtëzakonisht mençuri takimin e parë të kampionatit, për të menduar për këto dy takime shumë të rëndësishme për ne. Motivimi është pa diskutim i madh i gjithë ambientit”, deklaroi Duro në konferencën për shtyp./PanoramaSport
Discussion about this post