Në orët e para të mëngjesit të sotëm është paraqitur në ambientet e spitalit të Durrësit, një 40- vjeçar i identifikuar si Danjel Bushi. Ai kërkoi ndihmë mjekësore, pasi ishte plagosur me armë zjarri në lagjen “Nr.17”. Pas njoftimit të marrë, shërbimet e Policisë kanë shkuar menjëherë në vendngjarje dhe nga veprimet e shpejta hetimore paraprake të kryera ka rezultuar se 40-vjeçari dyshohet se është plagosur nga Gabriel Peqini, 28 vjeç.
Shërbimet e Policisë vijojnë kontrollin e zonës për kapjen e autorit.
Grupi hetimor nën drejtimin e Prokurorisë së Rrethit Gjyqësor Durrës ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes.
Discussion about this post