Durrës, babai godet me thikë vajzën e tij dhe kalimtarin që tentoi ta ndalonte

Një ngjarje e rëndë është shënuar sot paradite në qytetin e Durrësit.

Sipas policise, një 56-vjeçarMikel Ndoi ka plagosur me thikë vajzën e tij 24-vjeçare, Xhensila Ndoi. Sipas policisë, pre e sulmit ka rënë dhe një kalimtar i rastit, që ka ndërhyrë për të shmangur tragjedinë.

Ngjarja është shënuar në lagjen në 12 të Durrësit.

Të plagosurit raportohet se po marrin mjekim ne spital dhe janë jashtë rrezikut për jetën.

Ndërkohë mësohet se prindërit e vajzës kanë qenë të divorcur.

Ai është kthyer në Shqipëri së fundmi, pasi jetonte ne Itali ku edhe ka qene i burgosur. Ai ka kërkuar të ribashkohet me familjen, por kjo nuk është lejuar nga vajza.

Kjo ka mjaftuar që babai t’i shkonte në vendin ku ajo punonte dhe ta plagoste me thikë në rrugë.

Ende nuk dihen rrethanat, por policia ndodhet në vendngjarje dhe po punohet për zbardhjen e ngjarjes.

Njoftimi i policise:

Durrës / Informacion paraprakMë datë 26.01.2026, rreth orës 10:03, shtetasi M. N., 56 vjeç, në rrethana ende të paqarta, ka plagosur në rrugë me mjet prerës (thikë) vajzën e tij, shtetasen Xh. N., 24 vjeçe, banuese në lagjen nr. 12, Durrës.

I plagosur ka mbetur edhe shtetasi O. M., kalimtar i rastit, i cili ka ndërhyrë në momentin që babai ka plagosur vajzën me mjet prerës (thikë).

Të dëmtuarit ndodhen në Spitalin Rajonal Durrës, nën kujdesin e mjekëve, jashtë rrezikut për jetën.

Punohet për sqarimin e rrethanave të ngjarjes, identifikimin dhe kapjen e autorit.

Ndërkohë, shërbimet e Policisë po vijojnë punën për kapjen e 56-vjeçarit.