Durrës, i riu gjendet i vdekur – Dyshohet se ra në kanal dhe u mbyt

Një i ri në Durrës, i cili ishte denoncuar në polici i zhdukur nga familjarë, është gjetur i pajetë.

Sipas policisë, dyshohet se viktima, 33 vjeç, të ketë rënë nga një urë në një kanal pranë banesës duke humbur jetën.

“Në vijim të informacionit të dhënë ditën e djeshme, për kallëzimin e bërë nga shtetasi H.Sh për largimin nga banesa të djalit të tij, informojmë se shtetasi B.Sh., 33 vjeç, është gjetur i pajetë në një kanal uji, në afërsi të banesës së tij, në lagjen nr.15, Durrës”, njoftoi policia.

“Nga veprimet e para dhe kqyrja paraprake e trupit nuk janë konstatuar shenja dhune, dyshohet se aksidentalisht është rrëzuar nga ura, ka rënë në kanal dhe për pasojë është mbytur”, shtuan të njëjtat burime.