Policia e Durrësit ka shpallur në kërkim një 24 vjeçar me inicialet E.B. pasi akuzohet se vuri tritol në një magazinë në fshatin Shkafane të Durrësit.
Ngjarja ka ndodhur ditën e dEjshme pak minuta para mesnatës. Denoncimi është bërë nga pronari i magazinës, 50 vjeçari me inicialet L.M
Njoftimi i policisë:
Durrës
Vuri lëndë plasëse në një magazinë, Policia identifikon autorin dhe vijon punën për kapjen e tij.
Menjëherë pas njoftimit , rreth orës 23:45, të datës 14.05.2024, se në magazinën në pronësi të shtetasit L. M., 50 vjeç, në fshatin Shkafane, kishte ndodhur një shpërthim (me pasojë vetëm dëme materiale), shërbimet e Postës së Policisë Manzë kanë shkuar në vendngjarje.
Si rezultat i veprimeve të shpejta hetimore është identifikuar autori i dyshuar i rastit, shtetasi E. B., 24 vjeç, banues në fshatin Rrotull.
Vijojnë kërkimet për kapjen e tij, si dhe në drejtimin e Prokurorisë së Durrësit, vijojnë hetimet për të provuar ligjërisht rrethanat e këtij rasti.
Discussion about this post