Durrës/ Nëna e shqetësuar alarmon policinë: Më ka humbur vajza, iku para një…

Një vajzë 31-vjeçare është zhdukur në Durrës. Policia njofton se ka qenë nëna e 31-vjeçares e cila ka denoncuar zhdukjen e së bijës.

Sipas saj, vajza para një muaji është larguar nga banesa dhe nuk është kthyer më. Policia e Durrësit ka nisur një hetim për gjetjen e vajzës.

“Në Komisariatin e Policisë Durrës kallëzon shtetasja Sh. K., banuese në Katund i Ri, Durrës, se para një muaji është larguar nga banesa vajza e saj, shtetasja M. K., 31 vjeç, dhe nuk është kthyer më. Po punohet për gjetjen e saj”, njofton policia.

Materialet i kaluan Prokurorisë, për veprime të mëtejshme.