Durrës/ Qarkullonte me armë zjarri, arrestohet

Një 53-vjeçar është arrestuar në Durrës pasi qarkullonte i armatosur me një armë zjarri, njoftojnë burime zyrtare.

Ngjarja ndodhi në lagjen nr. 6, në rrugën “Hysen Myshketa”, ku gjatë një kontrolli, shtetasit I. D., banues në Sukth, iu gjet në brez një armë zjarri pistoletë Glock me municion luftarak.

“Në kuadër të operacionit, në lagjen nr. 6, në rrugën “Hysen Myshketa”, është konstatuar nga shërbimet e Policisë dhe është ndaluar për kontroll automjeti që dyshohej se drejtohej nga shtetasi i armatosur me armë zjarri.

Gjatë kontrollit fizik, shërbimet e Policisë i gjetën në brez shtetasit I. D., një armë zjarri, pistoletë Glock, me municion luftarak, të cilat u sekuestruan në cilësinë e provës materiale”, njofton Policia.