Dy adoleshentë kanë rënë në prangat e policisë, ndërsa një tjetër është proceduar penalisht pasi akuzohen se kanë qëlluar me kallashnikov në ajër duke terrorizuar banorët. Në pranga janë vënë K. B., 17 vjeç dhe G. P., 18 vjeç të dy banues në Sukth, ndërsa po hetohet në gjendje të lirë edhe një 16-vjeçar.
Në momentin e arrestimit 17-vjeçarit i është gjetur arma e zjarrit kallashnikov, ndërsa në banesa policia ka gjetur një armë sportive pistoletë dhe një shkop metalik.
Materialet i kaluan Prokurorisë së Rrethit Gjyqësor Durrës, për veprime të mëtejshme, për veprat penale “Mbajtja pa leje e armëve luftarake dhe e municionit”, “Prishja e rendit dhe e qetësisë publike” dhe “Mbajtja pa leje e armëve sportive”.
Discussion about this post