Dy gra kanë përfunduar në pranga nga policia e Durrësit për prostitucion, një 39-vjeçar për kultivim narkotikësh, si dhe një 29-vjeçar për plagosje.
Uniformat blu japin detaje se paraditen e sotme u arrestua personi i identifikuar me iniciale L. A, 39 vjeç, banues në Krujë. Gjykata e Shkallës së Parë Krujë për të riun ka caktuar masën e sigurisë “Arrest me burg”, për veprën penale “Kultivimi i bimëve narkotike”.
Po ashtu për veprën penale “Plagosje e rëndë me dashje” dhe “Kundërshtimi i punonjësit të policisë së rendit publik”, kanë rënë në pranga personi i identifikuar me iniciale L.P., 29 vjeç, banues në Durrës, i cili sipas njoftimin nga policia, dyshohet se në lagjen Nr.14, Durrës, tek tregu i makinave ka plagosur me mjet prerës (thikë) t♪7 riun me iniciale K.K., 29 vjeç, banues në lagjen Nr.14, Durrës, i cili ndodhet në spitalin Durrës, nën kujdesin e mjekëve.
Po nga Specialistët për Hetimin e Krimit në Komisariatin e Policisë Durrës u arrestuan në flagrancë 2 edhe du gra të moshës 29 e 38 vjeçe për veprën penale “Prostitucioni”, pasi janë kapur në lagjen Nr.14 tek “Ura e Dajlanit” duke ushtruar prostitucion.
