Edhe pse jemi në vitin 2022 dhe nëpër këmbë kemi pandeminë, shqiptarët vuajnë për ujë të pijshëm. Ndërkohë, bëhet me dije se qytetarë durrsakë të lagjeve të ndryshme po përballen me mungesën e ujit për përdorim vetjak që prej pasdites së djeshme.
Në ndërmarrjen e Ujësjellës Kanalizimeve bëjnë të ditur se problemet në furnizimin me orar të popullatës janë si pasojë e remonteve që po bën OSHEE në stacionet e Fushë Kuqes dhe Milotit.
Mungesa e një njoftimi paraprak për ndërprerjen e furnizimit i ka lënë shumë qytetarë pa ujë, pasi nuk kanë pasur asnjë mundësi të marrin masa për të përballuar këtë emergjencë. Ata të revoltuar shprehen se kjo gjë ndodh shpesh dhe askush nuk mban përgjegjësi.
Discussion about this post