Dvorani në protestë: Ju punën e çoni për emigracion, kush jeni ju?

Avokatja Entela Dvorani ka kërkuar që kryeministri Edi Rama të bisedojë me të. E pranishme në protestën e organizuar nga kryedemokrati Sali Berisha, avokatja tha se ka një jetë që paguan taksa e se nuk ka marrë asnjë ndihmë nga shteti.

“Çfarë jeni ju zoti kryeministër, të bëhemi një me Berishën, ju nuk mund të na lini mënjanë. Pushtetet rrinë nën gjyqësorin, në atë pushtet që kërkon ta bësh të pakorruptuar. Nuk ke sot gjyqtarë magistra, ju punën e çoni për emogracion, kush jeni ju? Unë jam një avokate që paguaj taksa, çfarë ndihme më ke dhënë, nëse ju të gjithë që jeni këtu doni të rrini në errësirë, atëherë heshtni. Pse nuk ulesh me ne zoti kryeministër? Unë s’do të të fyej, ulu me ne dhe bisedo,”- tha ajo ndër të tjera.

Protesta e Partisë Demokratike ka nisur. Kryedemokrati Sali Berisha ka dalë në shesh bashkë me mbështetësit e tij. Bulevardi përballë kryeministrisë është mbushur me mijëra qytetarë që do të protestojnë kundër qeverisë. Nga ana tjetër janë marrë edhe masa. Kryeministria i ka dyert e blinduara, dritareve të ministrive u janë vendosur tela në dritare. Është bërë edhe e kërpudhës, një vepër dhuratë nga autori Carsten Höller, dhuruar kryeministrisë gjatë vizitës së tij në Tiranë. Në bulevardin “Dëshmorët e Kombit”, rrugën “Xhorxh Bush” dhe pjesërisht në bulevardin “Zhan Dark” është bllokuar qarkullimi rrugor për automjetet prej orës 16:00.