Rrugët e Shqipërisë kanë nisur të përgjaken në këtë fillim vit, ku në vetëm ditët e para të 2022-shit janë shënuar 10 aksidente të rënda, nga të cilat është shënuar një viktimë. Dy aksidente u regjistruan brenda një harku kohor prej disa minutash, ku pamjet nga skena e aksidentit dëshmojnë seriozitetin me të cilin këto raste duhen trajtuar, për të parandaluar humbjet e jetëve, në ditët kur fati nuk do jetë në favor të drejtuesve të këtyre mjeteve. Dy rastet në fjalë janë shënuar në aksin rrugor Fushë-Bulqizë-Bulqizë, saktësisht në zonën e quajtur “Pishat”, ku qindra automjete në ditë e përshkruajnë si një urë lidhëse e Bulqizës dhe fshatrave përreth me qytete të tjera. Në hetimet e para rezultoi se aksidentet në fjalë janë shënuar nga rrëshqitjet, si pasojë e ngricës nga temperaturat e ulëta, ku një zonë verilindore prirer që gjatë periudhës së dimrit të përballet me kushtet e ashpra klimaterike në çdo ditë.
Këto dy aksidente nga ngrica dhe rrëshqitja, ndonëse në një ditë me diell më shumë se dëshmi e pakujdesisë, janë dëshmi e mungesës së seriozitetit nga organet kompetente, të cilët çdo vit përpilojnë bilance të frikshme përgjakjeje gjatë kësaj stine. Aksi rrugor në fjalë, nën menaxhimin e Bashkisë Bulqizë, predizpozohet të mirëmbahet nga reshjet dhe ngrica gjatë gjithë stinës së dimrit, në çdo ditë të sajën. Kjo nuk është diçka e thënë bazuar në premtime elektorale të kryebashkiakut Lefter Alla, por nga tenderat e zezë mbi të bardhë që ai vet ka firmosur e përpiluar, e mbi të gjitha akoorduar miliona lekë nga pikërisht ata qytetarë që i përgjakin këto rrugë.
Në nëntor të këtij viti, Bashkia Bulqizë ka dhënë një tender me numër reference REF-09822-10-28-2021, ku ka shpenzuar mbi 40 milionë lekë të taksapaguesve, për një kontratë që ka si objekt shërbim për pastrimin e borës. Pikërisht në këtë dokument saktësohet që marrëveshja do të zgjas nga data 20.11.2021 deri në datën 15.03.2022. Ndonëse tenderi ka fjalë kyçe ‘borën’, paratë e hedhura në rrugë tregojnë se Bashkia Bulqizë ka kapacitetin e duhur ekonomik për të mirëmbajtur rrugët e Bulqizës dhe në ditë me diell, ku rrugët ngrijnë dhe marrin jetë.
Siç ndodh rëndomtë borëpastrueset shfaqen bashkë me kaosin, vetëm në momentin kur situata është jashtë kontrollit dhe fshatra apo qytete izolohen, ndërsa në ditë normale si kjo pak kripë dhe një lopatë, pa një tender 40 milion lekësh do të kursente dhimbjet dhe dëmet në qytetarë që paguajnë për një jetë më të mirë në qytetin e tyre.
Discussion about this post