Dy anëtarë të stafit të ambasadës izraelite janë qëlluar për vdekje jashtë një muzeu hebre në qendër të Uashingtonit. Viktimat ishin çift, ndërsa u qëlluan teksa po dilnin nga aktiviteti në Muzeun Hebraik të Kryeqytetit në Uashington DC, i cili kishte në fokus ndihmën e banorëve të Gazës.
I dyshuari është ndaluar dhe identifikuar nga policia si 30-vjeçari Elias Rodriguez. Ky i fundit, sipas Policisë, bërtiti “Palestina e lirë” pasi u arrestua. Oficerët do të hetojnë lidhjet e mundshme me terrorizmin.
Ambasada izraelite ka reaguar mbi ngjarjen duke pretenduar se viktimat janë qëlluar nga një distancë e afërt.
Zëdhënësja e ambasadës izraelite, Tal Naim Cohen, shkroi në X se anëtarët e stafit të ambasadës po merrnin pjesë në një aktivitet në Muzeun Hebraik të Kryeqytetit në Uashington DC, ndërsa shpreson të zbatimi i ligjit dhe vënia e drejtësisë në vend.
“Dy anëtarë të stafit të ambasadës izraelite u qëlluan sonte nga afër, ndërsa merrnin pjesë në një aktivitet hebraik në Muzeun Hebraik të Kryeqytetit në Uashington DC. Ne kemi besim të plotë tek autoritetet e zbatimit të ligjit si në nivel lokal ashtu edhe në atë federal për të kapur autorin e sulmit dhe për të mbrojtur përfaqësuesit e Izraelit dhe komunitetet hebraike në të gjithë Shtetet e Bashkuara”, shkroi ajo.
Në një postim në Truth Social, Presidenti i SHBA-së Donald Trump dënoi vrasjet “e tmerrshme” të dy anëtarëve të stafit diplomatik të ambasadës izraelite në Uashington.
“Urrejtja dhe radikalizimi nuk kanë vend në Shtetet e Bashkuara. Ngushëllime familjeve të viktimave. Është shumë e trishtueshme që ndodhin gjëra të tilla. Zoti ju bekoftë të gjithëve”, përfundoi presidenti i SHBA-së.
Sekretari amerikan i Shtetit, Marco Rubio, siguroi se autoritetet do të gjejnë ata që janë përgjegjës për sulmin pranë Muzeut Hebraik në Uashington.
“Ky ishte një akt i paturpshëm dhune frikacake antisemite.” “Mos u gaboni: Ne do t’i gjejmë ata që janë përgjegjës dhe do t’i nxjerrim para drejtësisë”, tha kreu i diplomacisë amerikane.
Discussion about this post