Dy ditë para mbledhjes së Kuvendit të 11 dhjetorit, të thirrur nga ish-kryeministri Sali Berisha, dega e PD në Pogradec, ka bërë publike emrat e 107 delegateve që kanë firmosur.
Nënkryetari i degës së PD në Pogradec, Oligert Muçllari tha para mediave se nga 155 delegatë që janë në total, 107 prej tyre kanë firmosur për t’ju bashkuar 11 Dhjetorit, duke thënë se shifra përbën 69 për qind të delegatëve të Pogradecit.
Ish-kryeministri Sali Berisha ka njoftuar se Kuvendi i 11 dhjetorit do të zhvillohet në ambientet e stadiumit “Air Albania” dhe pritet të nisë rreth orës 10:00. Ditën e djeshme, ish-kryeministri mbajti “Foltoren” e fundit me përkrahësit e tij, duke marrë shkak se Dita e Rinisë, ku i bëri thirrje delegatëve të PD-së t’i bashkohen Kuvendit të 11 dhjetorit.
Discussion about this post