Vatra zjarri janë regjistruar në fshatin Sherishtë të Vlorës në këto momente. Flakët të cilat janë përhapur me shpejtësi nga era dhe kanë përfshirë një stallë bagëtish, dhjetëra rrënjë ullinjsh dhe po rrezikon banesat aty pranë.
Sipas burimeve, dyshohet të jetë zjarrvënie e qëllimshme. Banorët kanë qenë të parët që janë marrë me shuarjen e flakëve, ndërkohë menjëherë në vendngjarje ka mbërritur zjarrfikësja.
Ndërkohë një vatër zjarri është regjistruar edhe në fshatin Tërbaç të Vlorës. Nga pamjet e siguruara bëhet fjalë për pemë të shumta e bimësi e cila po shkrumbohet si pasojë e flakëve. Deri më tani nuk ka asnjë grup në terren për shuarjen e flakëve. Nga burimet e Gijotina.com, kemi të bëjmë me zjarrvënie të qëllimshme.
