Sergej Milinkoviç-Saviç me shumë mundësi do të largohet nga Lacio këtë merkato vere, me shumë klube që kanë treguar një interes të lartë rreth mesfushorit serb.
Prej kohësh Saviç ka treguar shumë kualitet dhe ka pasur interes të lartë jo vetëm nga Seria A, por edhe nga gjigandë të tjerë europian.
Së fundmi në “pole-position” për serbin ka qenë Juventusi, i cili duket se kërkon të bindë Lacion për shërbimet e 28-vjeçarit, për të cilin presidenti Lotito kërkon 40 milionë euro.
Gjithsesi “Corriere dello Sport” ka raportuar një ofertë të bujshme që ka ardhur po nga Seria A, por nga kampionët e Italisë, Napoli.
“Axurrët” i kanë ofruar Lacios kartonin e Zielinskit dhe Politonos në këmbim të Saviç. Nga ana e bardhekaltërve ende nuk ka një përgjigje, të cilët janë duke e shqyrtuar ofertën, por mediat italiane bëjnë me dije se serbi kërkon vetëm Juventusin.
Discussion about this post